係多倫多買自住Condo嘅話，應該揀現樓定樓花呢？

係呢到，樓花係指發展商啱啱開盤嘅全新樓花，而唔係近期就嚟收樓嘅樓花轉讓。最近被人問到呢個問題嘅時候，我都唔會急住答，而係會反問佢一句，你點解會考慮買樓花？答案往往分為以下幾個原因：一、我唔夠現金，買樓花我可以分批畀訂。二、近期息口高，樓花過幾年先收樓，我可以避開而家嘅高利息。三、我有啲閒錢，買樓花可以係而家鎖定未來嘅價格。

多倫多現房與樓花的價格差

首先，樓花對於自住客嚟講，最需要注意嘅就係佢嘅不確定性。買賣合約上嘅入住日同交樓日，法律上係允許延遲嘅。撇開呢幾年因為疫情影響工期，好多項目都延期咗幾年。即使係正常時期，樓花推遲一兩年收樓都唔少見。但其實延期都唔算係最慘，發展商執笠，或都爛尾，我作為買家經紀見證過，亦都作為買家本人經歷過。雖然呢啲事情發生嘅機會好微，但對於自住買家嚟講，就算保得住份訂，邊個都唔想被人咁樣打亂家庭計劃。講到底，錯失咗幾年嘅時間，樓價變成點都冇人知。

然後，「唔買現樓嚟避開高利息」呢個諗法完全係懶醒。高層Condo需要龐大嘅啟動資金。而家嘅高息，個別買家可以避得開，但發展商避唔開！高利息作為成本嘅一部分，一早被發展商打埋落樓價到，最終都係轉嫁翻去買家嘅頭上。另外，疫情後，建築材料價格大副上升，發展商為咗保持盈利，需要大幅咁上調樓花嘅價格。呢個就係大家見到而家現樓同樓花價格差天共地嘅原因。

以而家多倫多市中心賣緊嘅101 Spadina為例，發展商標價大概係＄1800/呎到，但其實呢個地址半徑800米5年內嘅半新樓嘅呎價都只係＄1000-1200/呎到。個價差咗成50%！

聽到呢到，你仲覺得你係用緊今日嘅價鎖定日後個價咩？仲覺得自己雖然唔夠錢比首期，但都算係「有啲錢」，放係銀行唔買樓白唔買咩？如果係我，為咗自住，我會努力盡快儲夠首期買現樓，甚至問親朋戚友借錢，比翻利息佢地，都可能仲抵過買貴咁多嘅樓花。再唔係就買住個細單位先，唔使一定要一步到位。

係今年第一次減息嚟到之前，受到高利息嘅影響，Condo係目前所有房產類型中價格被打壓得最嚴重嘅，亦都係供大於求最失衡嘅。自住買家係呢個時間可以好容易咁揀到自己心儀嘅單位同係最心動嘅價格上買到。

所以，決定買現樓定樓花，一定要先瞭解你心儀嘅樓花地點附近新嘅現樓價格，睇多幾間，做多啲功課，魚同熊掌，咁先好判斷要邊個好！

預約免費諮詢，取得您專屬的買樓策略

多倫多買樓 & 多倫多賣樓 & 多倫多租樓

無論您是想在大多倫多買房或租公寓 (Condo Apartment)，鎮屋（Townhouse）還是獨立住宅 (Single Family Home)，

Pris Han安心賣房地產 Your Home Sold Guaranteed Realty Team Pris Han 都能為您提供協助。

我們的服務範圍在大多倫多地區Greater Toronto Area (GTA) ，包括Richmond Hill列治文山、Markham萬錦、Vaughan旺市、Aurora奧羅拉、Newmarket新市、Whitchurch-Stouffville斯圖夫維爾、North York北約克 ，Scarborough世嘉堡、Mississauga 密西沙加、Brampton布蘭普頓、Pickering皮克林、Ajax亞積士、Whitby惠特比、Oshawa奧沙瓦和Toronto 多倫多市。

我們幫助想在大多倫多買房或租房的買家和租客尋找最適合的房產，為他們提供新上市房產的即時通知，獲得不在 MLS 上的獨家樓盤。 我們為您提供 100% 免費的專業意見。

對於房地產賣家，我們擁有數以千計的等待買家的資料庫、及超過 60,000 名在YouTube 和今日頭條上的追蹤者。 我們的「售出保證」為您的房產帶來符合資格的買家。 我們還擁有專業的佈置、攝影和攝影團隊，為賣家提供無縫體驗。

透過info@HanHomeSold.com 與我們聯繫，微訊號TeamPrisRealty 或致電/發短信：647-360-8963 進行免費諮詢或評估，或訪問我們的網站https://hanhomesoldrealty.com/ 獲取更多最新視頻、博客 、和最新多倫多樓盤資訊。